9 декабрь, Йома

18 ноябрь 2011 йыл, 16:59

«Өфө» халыҡ-ара аэропорты штат режимында эшләй

автор: Любовь Колоколова

Республиканың баш ҡалаһында иртә таңдан яуа башлаған ҡарға ҡарамаҫтан, «Өфө» халыҡ-ара аэропорты штат режимында эшләй. Юл һыҙаттары махсус техникалар ярҙамында ҡарҙан ваҡытында таҙартыла.  

— Бөтә рейстар ҙа расписаниеға ярашлы башҡарыла, метеошарттарға бәйле самолеттар осошо менән бер тотҡарлыҡ та юҡ, — тине «Башинформ» агентлығына «Өфө» халыҡ-ара аэропорты асыҡ акционерҙар йәмғиәтенең йәмәғәтселек менән бәйләнештәр буйынса баш белгесе Таһир Мөхәмәтшин. — Был ҡыш башына хас ҡәҙимге һауа торошо, уға аэропорт хеҙмәттәре алдан әҙерләнде. Беҙҙең авиапредприятие махсус техника менән тулыһынса тәьмин ителгән.