4 декабрь, Йәкшәмбе

18 ноябрь 2011 йыл, 14:04

Алдағы көндәрҙә Башҡортостанда һауа торошо тотороҡһоҙ буласаҡ

автор: Рәсүл Хәмиҙуллин

Башҡортостанда ҡар яуыуы дауам итә. Башгидрометтың баш синоптигы Анна Козаева хәбәр итеүенсә, алдағы көндәрҙә һауа торошо тотороҡһоҙ буласаҡ.

— Иртәгә, 19 ноябрҙә, ҡар яуыуҙан туҡтаясаҡ, — тине ул. — Әммә икенсе көнөнә йәнә яуа башлаясаҡ. Аномаль һауа торошо күҙәтелмәй, был ғәҙәти ҡыш башы. Һауа температураһы ла әле нормаға яҡын.

Аҙна аҙағынаса республикала төндә 11-12 градус һыуыҡ буласаҡ. Көндөҙ – 2-7 градус һыуыҡ. Алдағы аҙнала ла ҡар яуыуы дауам итәсәк, тип күҙаллай синоптиктар.

темалар: һауа торошо