6 декабрь, Шишәмбе

17 ноябрь 2011 йыл, 17:17

РФ Үҙәк һайлау комиссияһы сайтында үҙеңде һайлаусылар исемлегенән табырға була

автор: Марина Шумилова

РФ Үҙәк һайлау комиссияһы сайтында эшләй башлаған «Үҙеңдең һайлау участкаһын тап» сервисы Рәсәй граждандарына үҙҙәрен һайлаусылар исемлегенән эҙләп табыу ғына түгел, әгәр кеше был исемлектән үҙенең исемен тапмаһа, унда төҙәтмәләр индереү мөмкинселеген дә бирә, тип хәбәр итә РИА Новости.

РФ Үҙәк һайлау комиссияһы сайтындағы сервис «Үҙеңдең һайлау участкаһын тап» һәм «Үҙеңде һайлаусылар исемлегенән тап» исемле ике өлөштән тора. Һайлау участкаһы тураһында мәғлүмәт алыр өсөн сервиста тейешле графаларҙы тултырыу талап ителә. Бынан һуң һорау Үҙәк һайлау комиссияһы сайтына бәйле булмаған, айырым эшләгән сервисҡа ебәреләсәк. Бер аҙ ваҡыт үткәндән һуң һайлаусы мәғлүмәт аласаҡ. Һайлаусыларҙың барлыҡ исемлектәренә 3 декабрҙә урындағы ваҡыт менән 18 сәғәттә ҡул ҡуйыласаҡ. Шулай итеп, ошо көнгә тиклем исемлеккә индерелмәгән кешеләр уға төҙәтмәләр индерә ала.

Башҡортостан Республикаһының Үҙәк һайлау комиссияһы сайтында шулай уҡ «Үҙ участкаңды тап» бүлеге эшләй.

темалар: һайлауҙар