6 декабрь, Шишәмбе

16 ноябрь 2011 йыл, 14:47

Бүздәк районында 53 һайлау участкаһы эшләй

автор: Тимур Рәхмәтуллин

Бүздәк районында Дәүләт Думаһына һайлауҙар ваҡытында 53 һайлау участкаһы эшләйәсәк, һайлауға 24 меңдән ашыу кешенең килеүе көтөлә, тип хәбәр итте «Башинформ» агентлығына территориаль һайлау комиссияһы секретары Рәйлә Ғәлиева.

Иң ҙур һайлау участкалары район үҙәге Бүздәк ауылында урынлашҡан: Көньяҡ Бүздәк (2537 һайлаусы), Беренсе төньяҡ (2749 кеше) һәм Икенсе төньяҡ (2839).

Әле ҡыҙыу агитация кампанияһы бара.

— «Бүздәк хәбәрҙәре» гәзитендә агитация материалдары баҫыла, һайлаусылар менән даими осрашыуҙар үтә, — ти Рәйлә Ғәлиева.

Уның әйтеүенсә, буласаҡ һайлаусыларға хоҡуҡ буйынса белем биреүгә бәйле ҙур эш алып барыла: Бүздәк районы мәктәптәрендә һәм ауыл китапханаларында асыҡ дәрестәр, тематик конкурстар, викториналар үткәрелә.

темалар: һайлау