7 декабрь, Шаршамбы

14 ноябрь 2011 йыл, 12:53

Башҡортостан Прокуратураһы ҡарамағындағы Йәмәғәт Советы ултырышында эшҡыуарҙарҙан тәҡдимдәр көтөлә

автор: Любовь Колоколова

Ноябрь аҙағына тиклем Өфөлә Башҡортостан Прокуратураһы ҡарамағындағы Бәләкәй һәм урта бизнесты яҡлау буйынса йәмәғәт Советының сираттағы ултырышы үтәсәк. Совет составына Башҡортостан Республикаһының Эшҡыуарлыҡ ойошмалары ассоциацияһы Советы рәйесе Алексей Щербацкий йөҙөндә Эшҡыуарлыҡ ойошмалары ассоциацияһы инә.

Эш планына ярашлы фекер алышыуҙа «2012 йылға Башҡортостан Республикаһы Прокуратураһы ҡарамағындағы Бәләкәй һәм урта бизнесты яҡлау буйынса йәмәғәт Советының эш планын тикшереү һәм раҫлау» һәм башҡа мәсьәләләр ҡараласаҡ.

Республика эшҡыуарҙары үҙ тәҡдимдәрен aoprb@mail.ru электрон адресы йәки (347) 243-38-37 факсы буйынса 17 ноябргә тиклем ебәрә ала, тип хәбәр итә Башҡортостан Республикаһы Эшҡыуарлыҡ ойошмалары ассоциацияһының матбуғат хеҙмәте.