11 декабрь, Йәкшәмбе

11 ноябрь 2011 йыл, 9:03

Ҡалтасы районында мари халҡының «Тукым вож» шәжәрә байрамы үтте

автор: Тимур Рәхмәтуллин

Ҡалтасы районының Ҡалмыябаш ауылы мәҙәниәт йортонда  мари халҡының шәжәрә байрамы – «Тукым вож» үткәрелде.

Тантанала ҡатнашыусыларҙы Ҡалтасы район Советы рәйесе Роберт Шәкертов ҡотланы. Байрам дауамында Хәйретдиновтар араһының килеп сығышы тураһында бәйән ителде. Ырыу үҫеше һәм ҡыҙыҡлы ваҡиғалар тураһында тамашасыларға Петр Хәйретдинов, Нина Әхмәҙиева, Климент Петраев һөйләне.

Күп быуатлыҡ милли йолаларҙы ҡәҙерләп һаҡлағандар өсөн байрам сағыу һәм иҫтә ҡалырлыҡ ваҡиға булды, тип хәбәр итә район хакимиәтенең мәғлүмәт-аналитика бүлеге.