10 декабрь, Шәмбе

09 ноябрь 2011 йыл, 14:11

Башҡортостанда биләмәләрҙе таҙартыу буйынса ағымдағы йылдың һуңғы экоакцияһы үтте

автор: Галина Бахшиева

Әлшәй районында ҙур экоакция үтте, сара сиктәрендә райондың һыу объекттары һәм ауылдары таҙартылды. Акцияла ҡатнашыусылар һыу бүлгес каналдарға айырыуса иғтибар бүлде. Сараны ойоштороусы булып Башҡортостан Республикаһы Тәбиғәттән файҙаланыу һәм экология министрлығының Өфө территориаль идаралығы сығыш яһаны.

— Акцияла 2500-ҙән ашыу кеше ҡатнашты. Шулай итеп, уртаҡ тырышлыҡ менән, мәктәп уҡыусылары, учреждение хеҙмәткәрҙәре, «Йәш гвардия» йәштәр йәмәғәт ойошмаһы ярҙамы менән Раевка ауылынан ғына 70 кубометрға яҡын ҡаты көнкүреш ҡалдыҡтары тейәп оҙатылды, — тип һөйләне «Башинформ» агентлығына министрлыҡтың матбуғат секретары Нина Никандрова.