4 декабрь, Йәкшәмбе

08 ноябрь 2011 йыл, 14:48

Күгәрсен районында хәрби хеҙмәткә саҡырылыусылар көнө үтте

автор: Тимур Рәхмәтуллин

Мораҡ ауылында Хәрби хеҙмәткә саҡырылыусылар көнө үтте. Буласаҡ һалдаттарға Күгәрсен районы хакимиәте, хәрби комиссариат һәм ветеран ойошмалары вәкилдәре үҙ теләктәрен еткерҙе.

Байрам барышында егеттәр төрлө спорт ярыштарында үҙ оҫталыҡтарын күрһәтте. Һөҙөмтәлә һәр береһе бүләк алды.

Спорт бәйгеһенән тыш, хәрби хеҙмәткә саҡырылыусылар өсөн байрам концерты ла ойошторолдо. Сара күмәкләп сәй эсеү менән тамамланды.

Район хакимиәтенең мәғлүмәт-аналитика бүлегенән хәбәр итеүҙәренсә, йыл һайын Күгәрсен районынан әрме сафтарына 100-гә яҡын егет оҙатыла.