5 декабрь, Дүшәмбе

08 ноябрь 2011 йыл, 14:19

Йыл башынан «Өфө» аэропортында 1420679 кеше хеҙмәтләндерелгән

автор: Любовь Колоколова

«Өфө» халыҡ-ара аэропорты октябрь айындағы эшенә йомғаҡ яһаны. Үткән ай эсендә 141693 кеше хеҙмәтләндерелгән, был 2010 йылдың октябренә ҡарағанда 14230 кешегә күберәк. Ә йыл башынан Өфө аэропортында 1420679 кеше хеҙмәтләндерелгән, был планға ҡарата 73879 кешегә күберәк.  

«Өфө» Халыҡ-ара аэропорты» асыҡ акционерҙар йәмғиәтенән хәбәр итеүҙәренсә, дөйөм осош массаһы ла күбәйгән: план күрһәткестәренә ҡарата ул 7 процентҡа артҡан.

Израилгә даими рейстар яһай башлау октябрь айының мөһим бер ваҡиғаһы булып тора. Өфө — Тель-Авив — Өфө маршруты буйынса рейстар көн һайын башҡарыла. Бынан тыш, Эйлатҡа чартер рейсы ла башҡарыла.