10 декабрь, Шәмбе

08 ноябрь 2011 йыл, 12:05

13000 вакансияға Өфөлә 9000 эшһеҙ тура килә

автор: Галина Бахшиева

Бөгөн Өфөлә рәсми рәүештә теркәлгән туғыҙ мең самаһы эшһеҙ иҫәпләнә. Шул уҡ ваҡытта предприятиелар һәм ойошмаларҙың баш ҡаланың халыҡ мәшғүллеге үҙәгенә биргән мәғлүмәтенә ярашлы, ҡалала вакансиялар иҫәбе әлеге ваҡытта 13 меңгә тиерлек етә.

Октябрь аҙағындағы күрһәткестәр менән сағыштырғанда, Өфөнөң хеҙмәт баҙарында көсөргәнешлек коэффициенты, йәғни эшһеҙҙәр менән вакансиялар иҫәбенең нисбәте бер аҙ артҡан һәм әлегә 0,73-кә тиң. Үҙ сиратында, рәсми рәүештә теркәлгән эшһеҙлек кимәле Өфөлә әле 1,57 процент тәшкил итә.

Өфөнөң Халыҡты эш менән тәьмин итеү үҙәгендә йәмғеһе 9400 кеше иҫәптә тора, шуларҙың 500-ҙән ашыуы бөгөнгө көндә хеҙмәт баҙарында талап ителгән һөнәрҙәргә уҡыуын дауам итә.