5 декабрь, Дүшәмбе

08 ноябрь 2011 йыл, 9:47

Теләүселәр «Минең илем» халыҡ-ара фотоконкурсында ҡатнаша ала

автор: Любовь Колоколова

Рәсәй Журналистар союзы «Минең илем» халыҡ-ара фотоконкурсы башланыуы хаҡында иғлан итә. Бәйгелә ҡатнашыуға донъяның барлыҡ илдәренән дә фоторәссамдар саҡырыла.

Конкурс өс категорияла үткәрелә: кешеләр, тәбиғәт һәм объекттар.

Сараны «Фотокор» компанияһы үткәрә. Ҡатнашыусы конкурсҡа тәҡдим иткән эшендә үҙе йәшәгән, йәки ҡасандыр булып киткән бер илдең үҙенсәлектәрен сағылдырырға тейеш. Ойоштороусылар билдәләүенсә, «минең» тигән һүҙ бәйгелә ҡатнашыусының шәхси ҡарашынан сығып, төрлөсә аңлатылыуы мөмкин.

Конкурста төрлө йәштәге һәүәҫкәр фоторәссамдар ҙа, профессионалдар ҙа ҡатнаша ала.

Тәүге өс урын яулаусылар приздар менән бүләкләнәсәк, ә еңеүсе «Фотокор»ҙың иң яҡшы фоторәссамы тип билдәләнәсәк.

Эштәр 15 авгусҡа тиклем ҡабул ителә.

темалар: фотоконкурс