8 декабрь, Кесе йома

03 ноябрь 2011 йыл, 16:33

Өфөлә БР мосолмандары Диниә назаратының йәнә бер бинаһы асыла

автор: Тимур Рәхмәтуллин

Халыҡтар берҙәмлеге көнөндә, 4 ноябрҙә, Өфөлә реставрациянан һуң Башҡортостан Республикаһы мосолмандары Диниә назараты биналарының береһе асыласаҡ.  

Тантаналы сарала БР мосолмандары Диниә назараты рәйесе мөфтөй Нурмөхәмәт Ниғмәтуллин, дәүләт һәм йәмәғәт эшмәкәрҙәре, мосолман руханиҙары, бағыусылар, ҡала халҡы ҡатнашасаҡ.

Пискуновтар йорто булараҡ билдәле XX быуат башына ҡараған ағас архитектура ҡомартҡыһы Башҡортостан биләмәһендә социаль инфраструктура объекттары төҙөлөшөн (реконструкцияһын) финанслау программаһы сиктәрендә бүленгән «Башнефть» акционерҙар нефть компанияһы» асыҡ акционерҙар йәмғиәте иғәнәһенә тергеҙелгән.

Элек Гоголь урамындағы был йортта БР мосолмандары Диниә назараты мөфтиәте урынлашҡан ине, әммә бинаның авария хәлендә булыуы арҡаһында Диниә назараты Чернышевский урамы, 103 адресы буйынса урынлашҡан элекке «Девон» ҡунаҡханаһының ремонтланған бинаһына күсерелә.

БР мосолмандары Диниә назараты бинаһын рәсми асыу тантанаһы Өфө ҡалаһы, Гоголь урамы, 21 адресы буйынса сәғәт 12-лә үтәсәк.