10 декабрь, Шәмбе

02 ноябрь 2011 йыл, 13:41

Башҡортостан игене Бангладешҡа ебәреләсәк

автор: Ғәлиә Нәбиева

Башҡортостан игененә ҡыҙыҡһыныу арта. Бөгөнгө көнгә республиканан ситтә яҡынса 10 мең тонна яңы иген һатылған. Ноябрҙә был һандың 20 мең тоннаға етеүе ихтимал. Яңы йыл алдынан Башҡортостан игенен Бангладешҡа поставкалау планлаштырыла, тип хәбәр иттеләр республиканың Ауыл хужалығы министрлығынан. Был ил йыл һайын беҙҙән 300 мең тоннаға тиклем иген һатып алмаҡсы. Шундай уҡ һөйләшеүҙәр башҡа импортерҙар менән алып барыла.

Эксперттар мәғлүмәте буйынса, Башҡортостан иген етештереү буйынса Рәсәйҙең иң эре төбәктәренең береһе булып тора.

Республикала бойҙайҙы тәрән эшкәртеү буйынса предприятиелар төҙөү планлаштырыла, был проектты тормошҡа ашырыу өсөн әлеге ваҡытта ауыл хужалығы ведомствоһы инвесторҙар эҙләй.