11 декабрь, Йәкшәмбе

01 ноябрь 2011 йыл, 17:08

Рөстәм Хәмитов Дүртөйлөләге аҙыҡ-түлек магазинын илһөйәрлек сифаттарына тикшерҙе

автор: Евгений Рәхимҡолов

Башҡортостан Президенты Рөстәм Хәмитов Дүртөйлө ҡалаһындағы аҙыҡ-түлек магазинына ревизия үткәрҙе. Уны иң элек магазин кәштәләрендәге аҙыҡ-түлектең ҡайҙа етештерелеүе ҡыҙыҡһындырҙы.  

Асыҡланыуынса, икмәк-ҡалас продукцияһы башлыса республикала – Дүртөйлө һәм Нефтекамала етештерелгән. Һөт тә Башҡортостан етештереүселәренеке – Илеш районынан һәм Дәүләкәндән килтерелгән.

Ә бына кефир айырым осраҡтарҙа Һамарҙан, бройлерҙар, Турбаслыныҡылар менән бер рәттән, Силәбе өлкәһенән, колбаса өлөшләтә Мордовиянан һәм Татарстандан ҡайтарыла икән.

Рөстәм Хәмитовтың билдәләүенсә, үкенескә күрә, магазинда «Үҙебеҙҙекен – республиканыҡын һатып ал» тигән плакаттар юҡ. Улар республикала барған ошондай уҡ исемле акция дауамында бөтә магазиндарҙа ла эленә.