9 декабрь, Йома

01 ноябрь 2011 йыл, 15:56

Өфөлә баскетбол буйынса Йәш арбитр мәктәбе эшләй башлаясаҡ

автор: Дмитрий Слезин

Баскетбол буйынса Йәш арбитр мәктәбен ойоштороусы булып Өфө хакимиәтенең Мәғариф идаралығы һәм Башҡортостан Республикаһының Баскетбол федерацияһы сығыш яһаны.

Мәктәптең төп бурысы – баскетбол арбитрҙарын эҙләү, һайлап алыу, уҡытыу һәм артабан уларҙы ҡала, республика, шулай уҡ Рәсәй ярыштарында ҡатнашыусы судьялар исемлегенә тәҡдим итеү.

Уҡытыу «Судьялыҡ теорияһы һәм методикаһы» программаһы буйынса үткәреләсәк, ул ярты йылға иҫәпләнгән. Уҡытыусылар судьялыҡ менән бәйле һуңғы уҡытыу-методик материалдарҙы һәм программаларҙы ҡулланасаҡ.

Уҡыусыларға төрлө категориялы алдынғы судьялар белем бирәсәк. Улар араһында — FIBA судьяһы Владимир Охрименко, республика кимәлендәге судьялар — Владимир Разбежкин, Тимур Вәлиәхмәтов, Валерий Дерепаско, Евгений Шахов.

Уҡыуға 16-25 йәшлек егет һәм ҡыҙҙар саҡырыла. Дәрестәр аҙнаһына бер – һәр шаршамбы һайын 18 сәғәттән 20 сәғәткә тиклем 18-се урта дөйөм белем биреү мәктәбе бинаһында үткәреләсәк.

Беренсе дәрес шаршамбы, 2 ноябрҙә, үтәсәк. Башлана – 18 сәғәттә.