9 декабрь, Йома

01 ноябрь 2011 йыл, 14:14

Башҡортостан Президенты Рөстәм Хәмитов эш сәфәре менән Саҡмағош районында булды

автор: Евгений Рәхимҡолов

Башҡортостан Президенты Рөстәм Хәмитов эш сәфәре менән Саҡмағош районында булды. Сәфәр барышында Үҙәк район дауаханаһы һәм Байбулат һөт-тауар фермаһы менән танышты.

Һөт-тауар фермаһында 15 көн элек кенә яңы һөтсөлөк комплексы эшләй башлаған. Республика Президентына Рәсәй-Израиль ҡоролмаһын күрһәттеләр. Ул һөт йыйыу процесын теркәй, һыйырҙарҙың сәләмәтлек торошона, уларҙы ашатыуға күҙәтеү яһай, һөткә иҫәп алып бара. Бындай компьютер системалары республиканың өс фермаһында – Саҡмағош, Ҡариҙел һәм Дүртөйлө райондарында урынлаштырылған. Был ҡоролма Ижевскиҙан килтерелә.

Рөстәм Хәмитов ферма етәкселеге менән киләсәккә производство пландарын тикшерҙе. Уларҙың әйтеүенсә, быйыл Башҡортостан Хөкүмәте һиҙелерлек ярҙам күрһәткән: ҡорамал һәм яғыулыҡ һатып алыуға субсидия бүлгән.