11 декабрь, Йәкшәмбе

28 октябрь 2011 йыл, 15:11

«Вся Уфа» телекомпанияһы «ТЭФИ – төбәк» конкурсының финалына сыҡты

автор: Рәсүл Хәмиҙуллин

«Вся Уфа» телекомпанияһының яңылыҡтар хеҙмәте «ТЭФИ – төбәк» Бөтә Рәсәй телевизион конкурсының финалына сыҡты.

«Башинформ» агентлығына телекомпаниянан хәбәр итеүҙәренсә, «Вся Уфа» финалда төп телевизион премияға төбәктәрҙәге коллегалары менән түгел, ә Мәскәү Һәм Санкт-Петербург телехеҙмәткәрҙәре менән ярышасаҡ. Конкурсҡа ағымдағы йылдың ноябрь аҙағында йомғаҡ яһаласаҡ, бүләкләү тантанаһы Сочиҙа үтәсәк.    

— Финалға ике көслө телекомпания менән эләгеүебеҙ икеләтә ҡыуандыра, — тине  «Вся Уфа» продюсерлыҡ үҙәге директоры Дмитрий Эйгенсон. – Был Питерҙың «100-ТВ» каналы һәм Мәскәүҙең иң популяр «Дождь» телеканалы.

Хәтерегеҙгә төшөрәйек, былтыр был номинацияла Башҡортостан юлдаш телевидениеһы еңгәйне.