Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 57.47

EUR 60.45

26 февраль, Йәкшәмбе

Уфа   °

БашДУ-ла Жәлил Кейекбаевтың иҫтәлегенә арналған конференция үтә

Йәмғиәт

БашДУ-ла «Профессор Жәлил Кейекбаев һәм уның Урал-Алтай һәм төрки филологияһы үҫешенә индергән өлөшө» халыҡ-ара фәнни-ғәмәли конференцияһы үтә. Форум билдәле ғалимдың тыуыуына 100 йыл тулыуҙы билдәләү сиктәрендә ойошторола.

Сарала ҡатнашыусыларҙы юбилей сараларын үткәреү буйынса ойоштороу комитеты етәксеһе, Башҡортостан Хөкүмәтенең Премьер-министр урынбаҫары Зөһрә Рәхмәтуллина сәләмләне. Ул яҙыусының ҡыҙы, Башҡорт дәүләт педагогия университетының педагогика кафедраһы доценты Зөһрә Жәлил ҡыҙын сәхнәгә саҡырҙы һәм гөлләмә тапшырҙы.

Зөһрә Кейекбаева, үҙ сиратында, республика Хөкүмәтенә, айырыуса атаһының китаптарын баҫтырыуҙа ярҙам күрһәткәндәре өсөн рәхмәтен белдерҙе.

Башҡорттар араһында тәүге филология докторы ҡыҙы яңыраҡ атаһының дәфтәрҙәре араһынан уның йәшерәк саҡта яҙған шиғырҙарын табыуы хаҡында әйтте. Унда ғалим, кешене балалар үлемһеҙ итә, тигән фекер йөрөтә. Зөһрә Жәлил ҡыҙы үҙе тәржемә иткән шиғырын уҡып ишеттерҙе.

Сарала шулай уҡ Татарстандың Фәндәр академияһы академигы, 83 йәшлек тел белгесе Мирфәтих Зәкиевҡа БашДУ-ның почетлы докторы тигән исем бирелде.

Артабан конференция ете секция буйынса дауам итте. Дөйөм алғанда ғалимдар Жәлил Кейекбаевҡа, тел ғилеменә арналған башҡорт һәм рус телдәрендә 135 доклад уҡыны.

Теги: фән,хәтер
Яндекс цитирования
Рейтинг ресурсов "УралWeb" -->
закрыть