7 декабрь, Шаршамбы

27 октябрь 2011 йыл, 13:42

Ғәҙәттән тыш хәлдәр министрлығы водителдәрҙе юлдарҙа иғтибарлыраҡ булырға саҡыра

автор: Сергей Захаров

Һамар-Өфө-Силәбе автомобиль магистрале идаралығы мәғлүмәттәре буйынса, Ырымбур өлкәһенең, Башҡортостан һәм Татарстандың федераль кимәлдәге автомобиль юлдарында һауа шарттары насар булмаҡсы. Боҙлауыҡ, томан, ҡар ятыуы көтөлә. Күреү мөмкинлеге – 500-1000 метр.

Һауа торошоноң тотороҡһоҙ булыуы сәбәпле республика юлдарында ла хәрәкәт итеү ауырлаша.

Ошоға бәйле ярҙам хеҙмәте водителдәрҙе юл ҡағиҙәләрен теүәл үтәргә саҡыра.

Автотрассалар буйлап хәрәкәт итеүгә бәйле барлыҡ һорауҙар буйынса Һамар-Өфө-Силәбе автомобиль магистрале идаралығының тәүлек әйләнәһенә эшләүсе 8 (347) 228-12-18 телефонына мөрәжәғәт итергә мөмкин.

Бынан ваҡытлыса ял итеү майҙансыҡтары хаҡында мәғлүмәт алырға була, тип хәбәр иттеләр Рәсәй Ғәҙәттән тыш хәлдәр министрлығының Башҡортостан буйынса Баш идаралығының матбуғат хеҙмәтенән.