Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 58.70 ↓

EUR 69.40 ↑

15 декабрь, Йома

Уфа   °

Пенсия фонды «2011 йылдың иң яҡшы страховкалаусыһын» һайлай

Иҡтисад

Рәсәй Пенсия фонды «Мотлаҡ пенсия страховкалауы буйынса иң яҡшы страховкалаусы–2011» бөтә Рәсәй конкурсына старт бирҙе.

Унда ҡатнашыу өсөн ни бары Рәсәй Пенсия фондына мотлаҡ пенсия страховкалауына страховка иғәнәләрен ваҡытында түләү кәрәк. Бынан тыш, эш биреүсегә һәм страховкаланған граждандарға ҡарата пенсия ҡануниәтен боҙоу тураһындағы ялыуҙар булмаҫҡа тейеш.

Рәсәй Пенсия фондының Башҡортостан буйынса бүлексәһенең матбуғат хеҙмәтенән хәбәр итеүҙәренсә, еңеүселәр дүрт категорияла билдәләнәсәк.

Иң яҡшы страховкалаусылар дипломдар менән бүләкләнәсәк. Киләһе йылдың майында, 2011 йыл өсөн иҫәп-хисап тапшырылғандан һуң, конкурсҡа йомғаҡ яһаласаҡ.

2010 йылда конкурста Рәсәй Федерацияһының барлыҡ субъекттарынан 6,5 миллиондан ашыу эш биреүсе ҡатнашҡан. Башҡортостанда иң намыҫлы һәм яуаплы эш биреүселәр 217 теркәлгән страховкалаусы һәм шәхси эшҡыуар араһынан һайланған. Конкурс һөҙөмтәләре буйынса уларҙың 16-һы почетлы дипломдарға лайыҡ булған.

Яндекс цитирования
Рейтинг ресурсов "УралWeb"
закрыть