2 декабрь, Йома

26 октябрь 2011 йыл, 12:13

Салауатта республиканың иң көслө батырҙары көс һынашасаҡ

автор: Дмитрий Слезин

5 һәм 6 ноябрҙә Салауат ҡалаһының «Олимпиясы» спорт-сәләмәтләндереү комплексында милли көрәш буйынса Башҡортостан Республикаһы беренселеге һәм чемпионаты үтәсәк.

Ярыштарҙы Башҡортостандың Йәштәр сәйәсәте һәм спорт министрлығы, Мәғариф министрлығы һәм Милли көрәш һәм билбау көрәше федерацияһы ойоштора.

Сарала республиканың муниципаль райондары һәм ҡала округтары спортсылары ҡатнаша ала. Республика турниры һөҙөмтәләре буйынса иң яҡшылары Рәсәй кимәлендәге ярышта сығыш яһау хоҡуғына эйә буласаҡ.

16-18 йәшлек егеттәр араһында еңеүселәр һигеҙ ауырлыҡ категорияһында билдәләнәсәк. Өлкәндәр араһында еңеүселәр туғыҙ ауырлыҡ категорияһында һайланасаҡ.

темалар: милли көрәш