Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 58.88 ↓

EUR 65.95 ↑

28 июнь, Шаршамбы

Уфа   °

Өфөлә йәштәр сәйәсәте өлкәһе хеҙмәткәрҙәренең бөтә Рәсәй һөнәри оҫталыҡ бәйгеһенең тәүге көнө старт алды

Йәмғиәт

Конкурстың беренсе көнө программаһында — өс һынау. Улар «Йәшел сауҡалыҡ» шифаханаһы нигеҙендә үтә.

Иҫегеҙгә төшөрәбеҙ, йәштәр сәйәсәте өлкәһе хеҙмәткәрҙәренең  бөтә Рәсәй һөнәри оҫталыҡ бәйгеһе финалында ҡатнашыу өсөн Өфөгә бөтә илдән 90 кеш йыйылды. Сараны асыу тантанаһы көн элгәре Конгресс-холда үтте.

Форумда ҡатнашыусыларҙы, эксперттарҙы һәм ҡунаҡтарҙы сәләмләп, Башҡортостан Республикаһы Хөкүмәтенең Премьер-министр урынбаҫары Зөһрә Рәхмәтуллина былай тине: «Бөгөнгө көнөбөҙ һәм киләсәгебеҙ рухи һәм физик яҡтан сәләмәт, интеллектуаль йәһәттән үҫешкән һәм әүҙем ижади эшмәкәрлек алып барған йәштәрҙән тора».

Программаны матур концерт дауам итте. Әлеге конкурс программаһы сараларға бай, ҡатнашыусылар ваҡыты минутлап бүленгән – оҫталыҡ кластары, ток-шоу, интеллектуаль уйындар, практик күнекмәләр һәм башҡалар.

Дәүләт йәштәр сәйәсәтенең иң яҡшы хеҙмәткәрҙәре бер нисә номинация буйынса һайланасаҡ. Бәйгелә ҡатнашыусыларҙың оҫталығын һәм тәжрибәһен ғилми мәктәптәр вәкилдәре, алдағы конкурстарҙа еңеүселәр, йәштәр менән эшләүсе белгестәр баһалаясаҡ.

Сараны ябыу һәм еңеүселәрҙе тәбрикләү тантанаһы 21 октябрҙә Конгресс-холда үтәсәк.

Яндекс цитирования
Рейтинг ресурсов "УралWeb" -->
закрыть