11 декабрь, Йәкшәмбе

18 октябрь 2011 йыл, 16:25

Дмитрий Медведев Башҡортостандың һигеҙ кешеһен ярлыҡаны

автор: Ольга Мортазина

Президент указы менән Дмитрий Медведев Башҡортостандың хөкөмгә тарттырылған һигеҙ кешеһен, биш ир-егетте һәм ике ҡатын-ҡыҙҙы, ярлыҡаны. Һуңғы ун йылда был бер юлы һигеҙ кеше ярлыҡанған тәүге осраҡ, тип хәбәр иттеләр Федераль яза башҡарыу хеҙмәтенең БР буйынса Баш идаралығында.

Әммә уларҙың береһе генә колониянан сығарылған, ул суд ҡарары менән тәғәйенләнгән ике йыл урынына һигеҙ ай ултырып сыҡҡан. Был кеше урлашҡаны өсөн хөкөм ителгән булған. Ҡалған етәүһе иркенән мәхрүм итеүгә бәйле булмаған язаларға тарттырылған: биш кеше холоҡ төҙәтеү эштәренә, икәүһе иркен сикләүгә хөкөм ителгән булған. Ярлыҡанған өс кешенең хөкөмдә булыу буйынса эштәре ябылған.  

темалар: ярлыҡау