11 декабрь, Йәкшәмбе

17 октябрь 2011 йыл, 14:38

Өфөлә хәҙер грузин телен өйрәнеп була

автор: Людмила Терновая

Өфөлә грузин йәкшәмбе мәктәбе асылды, тип хәбәр иттеләр «Башинформ» агентлығына Шота Руставели исемендәге грузин милли-мәҙәни үҙәге рәйесе Давид Гурешидзе.

Грузияның Мәғариф һәм фән министрлығы, шулай уҡ Мәҙәниәт министрлығы йәй көнө үк мәктәпте дәреслектәр, кәрәкле уҡытыу-методик материал менән тәьмин иткәйне.

Тәүге дәрес көн элгәре Башҡортостандың Халыҡтар дуҫлығы йортонда үтте. Давид Гурешидзе һүҙҙәренсә, дәрестәргә һәр кем йөрөй ала. Уҡыу бушлай. Мәктәптә бер предмет – грузин теле буйынса ғына уҡыталар. Киләсәктә ойоштороусылар Грузия әҙәбиәте, тарихы, милли музыкаһы һәм бейеүҙәре, мәҙәниәте буйынса ла белем бирергә ниәтләй.

темалар: милли сәйәсәт