3 декабрь, Шәмбе

17 октябрь 2011 йыл, 13:46

Йыл башынан алып 70 кеше дезоморфин менән ағыуланған

автор: Ольга Мортазина

Республика Наркоконтроле дезоморфин менән бәйле енәйәттәрҙең артыуын билдәләй. Асыҡланған наркопритондарҙың барыһында ла тиерлек тап ошо арзан һәм хәүефле наркотик ҡулланылған, тип хәбәр иттеләр Рәсәй Федерацияһының Наркотиктар әйләнешен контроллек итеү буйынса федераль хеҙмәтенең БР буйынса идаралығында. Әгәр былтыр дезоморфин менән ағыуланыуға бәйле 38 үлем осрағы теркәлһә, быйыл уларҙың иҫәбе 70-кә еткән.  

2005 йылда наркополиция бөтә республика буйынса 30-ға яҡын дезоморфин ҡулланыусыны асыҡлай. 2011 йылдың сентябрендә иһә бындай наркомандар 3800-гә тиң. Белгестәр әйтеүенсә, ысынбарлыҡтағы картина статистика мәғлүмәтенән бер нисә тапҡырға күберәк булыуы мөмкин.

темалар: наркотик