5 декабрь, Дүшәмбе

14 октябрь 2011 йыл, 9:52

Халыҡ үтенесе буйынса Күмертау янындағы ҡасабала аптека асылды

автор: Марина Шумилова

Республика көнөн билдәләү сиктәрендә Күмертау янындағы Пятки ҡасабаһында яңы аптека асылды. Аптеканы асыу тантанаһында Күмертау ҡалаһы ҡала округы хакимиәте башлығы Борис Беляев ҡатнашты.

Ҡала башлығының билдәләүенсә, аптека асылыуы — ҡасаба халҡы өсөн ҙур шатлыҡ, сөнки уларға хәҙер дарыу алыр өсөн ҡалаға сығып йөрөргә кәрәкмәй, был айырыуса оло йәштәгеләр өсөн уңайлы.

Аптека Күмертау хакимиәте башлығының яҙғыһын ҡасаба халҡы менән осрашыуы һөҙөмтәһендә асылды, унда халыҡ ошондай социаль әһәмиәтле объект асыуҙы һорап мөрәжәғәт иткәйне.