9 декабрь, Йома

13 октябрь 2011 йыл, 10:40

Ике район аграрийҙары һауым буйынса дүрт меңлек сикте үтте

автор: Ғәлиә Нәбиева

Саҡмағош һәм Тәтешле районы малсылары йыл башынан алып һауым буйынса дүрт меңлек сикте үтте. Саҡмағош районында һәр һыйырҙан 4094 кг һөт һауып алынған. Был республикалағы иң яҡшы һөҙөмтә, тип хәбәр иттеләр БР Ауыл хужалығы министрлығының матбуғат хеҙмәтенән. Ул былтырғы күрһәткестән 433 килограмға күберәк. Районда һәр һыйырҙан тәүлегенә уртаса 11,3 кг һөт һауыла.

Саҡмағош районының ауыл хужалығы предприятиелары буйынса йыл башынан алып тулайым һауым 29343 тоннанан ашҡан. Ошоноң менән бер рәттән районда халыҡтан һөт һатып алыу ҙа яҡшы ойошторолған. Йыл башынан алып 2552 тонна һөт һатып алынған, был күрһәткес тә былтырғыға ҡарағанда 897 тоннаға күберәк.