9 декабрь, Йома

07 октябрь 2011 йыл, 11:05

Миграция темаһын иң яҡшы яҡтыртыуға конкурс старт алды

автор: Әлфиә Шәрәфетдинова

«Бергә йәшәү сәнғәте» журналистар конкурсы миграция проблемаларына арнала. Унда Рәсәй, Ҡаҙағстан, Тажикстан һәм Ҡырғыҙстандың киң мәғлүмәт саралары вәкилдәре ҡатнашыуға саҡырыла.

Рәсәй Журналистар союзында билдәләүҙәренсә, киң мәғлүмәт сараларының хеҙмәт мигранттары һәм миграция сәйәсәте тураһындағы иң яҡшы материалына халыҡ-ара конкурс тәүге тапҡыр ойошторола.

Жюри хөкөмөнә үрҙә билдәләнгән тематикаға яҙылған һәм 2011 йылдың 1 ғинуарынан 15 декабренә тиклем донъя күргән материалдар ҡабул ителә.  

Конкурс эштәрен Рәсәй журналистарына 20 декабргә тиклем РФ Журналистар союзына ебәрергә кәрәк. Уның адресы: 119991, Мәскәү ГСП-1, Зубов бульвары, 4. Белешмәләр өсөн телефон: (495)637-23-95.