4 декабрь, Йәкшәмбе

06 октябрь 2011 йыл, 18:07

Өфөлә бөгөн 15,5 мең вакансияға 8,7 мең эшһеҙ тура килә

автор: Марина Шумилова

2011 йыл дауамында иҡтисади йәһәттән әүҙем халыҡ араһындағы эшһеҙлек кимәле Өфөлә 2,08 проценттан 1,64-кә тиклем төштө (1 сентябргә ҡарата).

— Өфөлә бөгөн 15,5 мең вакансияға 8,7 мең эшһеҙ тура килә, — тип билдәләне матбуғат конференцияһында хакимиәт башлығы Павел Качкаев. – Хеҙмәт баҙарындағы көсөргәнешлек коэффициенты — берҙән кәм (0,62). 2011 йыл башында был коэффициент 1,98-гә тиң булып, бер вакантлы урынға ике кеше дәғүә итһә, хәҙер киреһе күҙәтелә: бер эшһеҙгә ике вакансия тура килә. Әммә эш шунда, был вакансиялар башлыса төҙөлөш, торлаҡ-коммуналь хужалыҡ өлкәһенә, эшсе һөнәрҙәренә ҡағыла. Эшһеҙлек буйынса пособие алған кешеләр урам һепереүсе, слесарь, балта оҫтаһы булырға ашыҡмай. Бындай хәлдәр бер нисә йыл инде үҙгәрешһеҙ ҡала бирә.