6 декабрь, Шишәмбе

05 октябрь 2011 йыл, 12:10

Өфөлә 10 мең тирәһе ағас һәм ҡыуаҡтар ултыртылған

автор: Галина Бахшиева

Быйыл көҙ республиканың баш ҡалаһында 10 меңгә яҡын ағас һәм ҡыуаҡтар ултыртылған. Үҫентеләрҙе Өфө «Горзеленхоз» предприятиеһы үҙ питомнигында үҫтергән. Үткән аҙнала ғына Өфө биләмәһен санитар таҙартыу һәм төҙөкләндереү айлығында ҡатнашыусылар ҡаланың төрлө райондарында 1500 төп ағас һәм 600-ҙән ашыу ҡыуаҡ ултыртҡан.

Иғлан ителгән айлыҡ сиктәрендә үҫентеләр ултыртыуҙан тыш, «Горзеленхоз» хеҙмәткәрҙәре Өфөлә килешеүҙәр буйынса йәнә 570 ағас ултыртасаҡ.

Иҫегеҙгә төшөрәбеҙ, быйыл яҙ Башҡортостандың баш ҡалаһында дөйөм алғанда 9 меңдән ашыу ағас ултыртылған. Яҙ ваҡытына ҡаланы таҙартыу һәм төҙөкләндереү буйынса сараларҙың күп тура килеүенә күрә, көҙ көнө ағас һәм ҡыуаҡтар күберәк ултыртыла.