10 декабрь, Шәмбе

03 октябрь 2011 йыл, 16:53

Баш ҡалала вакансиялар һаны кәмегән

автор: Галина Бахшиева

Өфөлә буш эш урындары кәмегән. Үткән аҙна һөҙөмтәләре буйынса хеҙмәт баҙарында көсөргәнешлек коэффициенты, йәғни эшһеҙ граждандар һәм вакансияларҙың нисбәте 0,76 тәшкил итә. Бер аҙна элек кенә был күрһәткес 0,6-ға тиң булған.

Әлеге ваҡытта ҡалала 12400 буш эш урыны иҫәпләнә. Был сентябрь уртаһындағы күрһәткестәргә ҡарағанда яҡынса 3500 вакансияға кәмерәк. Ә теркәлгән эшһеҙлек кимәле Башҡортостанда үҙгәрешһеҙ ҡалған – 1,61 процент. Рәсми рәүештә теркәлгән эшһеҙҙәр һаны ла үҙгәрмәгән – яҡынса 9 мең. Өфөнөң Халыҡ мәшғүллеге үҙәгендә бөгөн йәмғеһе яҡынса 9500 кеше иҫәптә тора.