8 декабрь, Кесе йома

30 сентябрь 2011 йыл, 13:41

Өфөлә төҙөлөш тармағы өсөн вакансиялар йәрминкәһе үткәреләсәк

автор: Галина Бахшиева

Өфөлә йолаға әүерелгән вакансиялар йәрминкәһенә был аҙнала 300 кеше килде. Дәүләткә ҡарамаған милек формаһындағы 20 предприятие унда сәнәғәт, сауҙа, төҙөлөш һәм объекттарҙы һаҡлау өлкәһендә 400 эш урыны тәҡдим итте.

— Эш биреүселәр күп төрлө вакансиялар тәҡдим итте. Шулай ҙа уларҙың күбеһе – эшсе һөнәрҙәре. Ҡалаға менеджерҙар, һатыусылар, төҙөүселәр, страховка агенттары, һаҡсылар һәм сәнәғәт эшселәре кәрәк, — тине «Башинформ» агентлығына Өфөләге Халыҡ мәшғүллеге үҙәгенең предприятиелар менән бәйләнештәр бүлеге начальнигы Ирина Турчина.

Өфөлә үткән йәрминкә арҡаһында йөҙләп кеше эшкә урынлашыуға мөмкинлек алған. Киләһе йәрминкә иһә төҙөлөш тармағы предприятиеларына арналасаҡ.