Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 59.36

EUR 69.71

21 август, Дүшәмбе

Уфа   °

Башҡортостанда төбәктәге иң эре ит эшкәртеү цехын асыу планлаштырыла

Иҡтисад

Башҡортостанда ит эшкәртеү комплексын төҙөү дөйөм аҙыҡ-түлек производствоһы үҫеше өсөн стимул буласаҡ. Был турала матбуғат конференцияһында республиканың иҡтисади үҫеш министры Евгений Маврин белдерҙе.

— Әлеге ваҡытта Башҡортостандың өс районында эре ит эшкәртеү үҙәктәрен төҙөүҙе күҙаллаған ҡыҙыҡлы инвестиция проекты әҙерләнә, улар сусҡасылыҡ комплекстарына иҫәп тотоп төҙөләсәк, — тине министр. – Шул иҫәптән республикала һәм яҡын-тирәлә тиңдәше булмаған ҙур, заманса һуғым цехы барлыҡҡа киләсәк, йыл дауамында унан миллионға тиклем баш мал үтәсәк.

Дөйөм агросәнәғәт комплексына килгәндә иһә, Евгений Маврин һүҙҙәренсә, быйыл тармаҡта йәнләнеү күҙәтелә. Әммә яҡын арала ҙур үҫеш көтөлмәй – ул йылына яҡынса ике процент кимәлендә фаразлана, сәнәғәттә иһә был күрһәткес биш-алты процент самаһы тәшкил итәсәк.

Яндекс цитирования
Рейтинг ресурсов "УралWeb"
закрыть