10 декабрь, Шәмбе

29 сентябрь 2011 йыл, 10:08

Өфөлә Рәсәйҙә техник көйләүҙе үҙгәртеп ҡороу мәсьәләләре тикшереләсәк

автор: Любовь Колоколова

Бөгөн, 29 сентябрҙә, Өфөлә «Рәсәй Федерацияһында техник көйләү реформаһын тормошҡа ашырыу мәсьәләләре» ғилми-ғәмәли конференцияһы үтәсәк. Ул министрлыҡ, ведомство һәм ойошмалар етәкселәренең техник көйләү, стандартлаштырыу, сифат менеджменты өлкәһендәге белем кимәлен күтәреү маҡсатында Башҡортостан Республикаһының Стандартлаштырыу, метрология һәм һынауҙар үҙәге менән ойошторолған.  

Конференцияла Бөтә Рәсәй сифат ойошмаһы президенты Геннадий Воронин, Бөтә Рәсәй Сертификация ғилми-тикшеренеү институтының генераль директоры Виля Версан, республика министрлыҡтары һәм ведомстволары етәкселәре ҡатнашасаҡ.

Конференция Башҡортостандың Сәнәғәт һәм инновацион сәйәсәт министрлығында үтәсәк.