9 декабрь, Йома

27 сентябрь 2011 йыл, 18:15

Башҡортостанда йыл эсендә эшһеҙлек кимәле кәмегән

автор: Тимур Рәхмәтуллин

Башҡортостанда йыл эсендә эшһеҙлек кимәле кәмегән, тип хәбәр итте бөгөн Башҡортостан Хөкүмәтенең Премьер-министр урынбаҫары Фидус Ямалтдинов, социаль-хеҙмәт мөнәсәбәттәрҙе көйләү буйынса Республика өс яҡлы комиссия ултырышында сығыш яһап.

— Дөйөм һәм теркәлгән эшһеҙлек кимәле тотороҡло булып ҡала, — тип билдәләне ул. Дөйөм эшһеҙлек кимәле 6,9 процент тәшкил итә, ә уҙған йылдың ошо уҡ осорона 8,8 процент тура килә. Теркәлгән эшһеҙлек кимәле 1,6 процентҡа тиклем кәмегән.

Башҡортостан Хөкүмәтенең Премьер-министр урынбаҫары һүҙҙәренсә, беҙҙең республикала, дөйөм Рәсәйҙәге менән сағыштырмаса, әлеге кәмеү процесы йылдамыраҡ бара.