5 декабрь, Дүшәмбе

26 сентябрь 2011 йыл, 16:27

Өфөлә рәссамдар СССР-ҙы һағынып иҫкә ала

автор: Ольга Мортазина

Бөгөн 19 сәғәттә Наил Лотфуллин исемендәге заманса сәнғәт музейында «СССР: киләсәк хаҡында хәтирәләр» күргәҙмәһе асыласаҡ. Экспозиция күп төрлө техникала башҡарылған төрлө стилдәге эштәрҙән ғибәрәт.

— Күргәҙмәлә күп рәссамдар ҡатнаша, улар өсөн СССР темаһы айырым бер мәғәнәгә эйә, — тине проект кураторы Александр Спиридонов. – Үткәндәрҙә ҡалған идеология элементтарын үҙ эштәрендә сағылдырып, автор был темаға тәнҡит күҙлегенән ҡараймы, әллә, киреһенсә, хуплаймы – был беҙҙең өсөн мөһим түгел.

Күргәҙмә Заманса сәнғәт музейына нигеҙ һалыусы һәм уның етәксеһе, «Сыңғыҙхан» рәссамдар төркөмө лидерының тыуған көнөнә ҡарата асыла. Дуҫтары һәм хеҙмәттәштәре күренекле башҡорт авангардсыһы Вәсил Ханнановты 55 йәшлек юбилейы менән ҡотлаясаҡ.