6 декабрь, Шишәмбе

21 сентябрь 2011 йыл, 15:19

Министр Рәжәп Нәбиуллин «Ижтимағи электрон гәзит» уҡыусыларының һорауҙарына яуап бирҙе

автор: Сергей Захаров | фото: Андрей Старостин

21 сентябрҙә «Ижтимағи электрон гәзит» сайтында (i-gazeta.com) Башҡортостан Республикаһының урман хужалығы министры Рәжәп Нәбиуллиндың онлайн-конференцияһы үтте.

11-ҙән 12 сәғәткә тиклем «Министрға һорау бир!» бүлегендә тейешле форма тултырып, «Ижтимағи электрон гәзит»тең һәр уҡыусыһы уға мөрәжәғәт итә ала ине. Министр йәмғеһе 30-ҙан ашыу һорауға асыҡлыҡ индерҙе.

Интернет менән ҡулланыусылар өсөн i-gazeta.com сайтында видеотрансляция «Башинформсвязь» асыҡ акционерҙар йәмғиәте ярҙамында ойошторолдо.

Урман хужалығы министрының онлайн-конференцияһы «Ижтимағи электрон гәзит» һәм «Башинформ» агентлығы материалдарында сағылыш табасаҡ.

«Ижтимағи электрон гәзит» сайтында онлайн-конференция буйынса тулы видеоотчет урынлаштырыласаҡ.