10 декабрь, Шәмбе

16 сентябрь 2011 йыл, 17:39

Мостай Кәрим исемендәге стипендияларҙы алыусылар билдәләнде

автор: "Башинформ"

2011-2012 уҡыу йылында Мостай Кәрим исемендәге стипендияларҙы Башҡорт дәүләт университеты студенттары аласаҡ. Зарина Бағышаева – башҡорт филологияһы һәм журналистика факультетында дүртенсе курста, ә Римма Миңлеәхмәтова филология факультеты магистратураһының икенсе курсында уҡый.

Башҡортостандың халыҡ шағиры Мостай Кәрим исемендәге стипендия 2006 йылда булдырылған. Ул иң яҡшы филолог-студенттарға тапшырыла. Стипендиаттар асыҡ конкурс ярҙамында билдәләнә. Стипендияға уҡыуҙа һиҙелерлек уңыштарға өлгәшкән, әҙәбиәт өлкәһендә һәләттәрен күрһәткән, фәнни-тикшеренеү һәм йәмәғәт эштәре менән әүҙем шөғөлләнгән 3-5 курс студенттары дәғүә итә ала, тип хәбәр итә республика Хөкүмәтенең матбуғат хеҙмәте.