4 декабрь, Йәкшәмбе

15 сентябрь 2011 йыл, 13:49

Октябрҙә Мәскәүҙә «Алтын көҙ - 2011» XIII Рәсәй агросәнәғәт күргәҙмәһе үтәсәк

автор: Любовь Колоколова

«Алтын көҙ — 2011» XIII Рәсәй агросәнәғәт күргәҙмәһе 6-16 октябрҙә Бөтә Рәсәй күргәҙмә үҙәге биләмәһендә Рәсәй агросәнәғәт аҙналығы сиктәрендә үтәсәк.

Ҙур милли аграр форумды ойоштороусылар булып Рәсәй Федерацияһының Ауыл хужалығы министрлығы, Мәскәү Хөкүмәте, Бөтә Рәсәй күргәҙмә үҙәге сығыш яһай.

Рәсәй Ауыл хужалығы министрлығының матбуғат хеҙмәте хәбәр итеүенсә, күргәҙмә рәсми рәүештә 14 октябрҙә асыласаҡ. «Алтын көҙ» сиктәрендә 6-9 октябрҙә ауыл хужалығы техникаһының «АгроТек Рәсәй — 2011» халыҡ-ара махсус күргәҙмәһе эшен башлаясаҡ. 6 октябрҙә Бөтә Рәсәй күргәҙмә үҙәге майҙанында ауыл хужалығы продукцияһы йәрминкәһе асыласаҡ. 13-16 октябрҙә «Рәсәй төбәктәре һәм сит илдәр», «Малсылыҡ һәм тоҡомло малдар», «Малсылыҡ өсөн ҡорамалдар. Ветеринария. Мал аҙығы» исемле күргәҙмә бүлектәре эшләйәсәк.

Иҫегеҙгә төшөрәбеҙ, Башҡортостандың агросәнәғәт предприятиелары «Алтын көҙ» күргәҙмәһендә даими ҡатнашып бара. Форумда тәҡдим ителгән экспозициялар өсөн төбәк йыл һайын Мәскәүҙән күп кенә наградалар алып ҡайта.