10 декабрь, Шәмбе

14 сентябрь 2011 йыл, 17:45

Өфөлә 60 миллион һумға бал һатылған

автор: Евгений Рәхимҡолов

Үткән ял көндәрендә Өфөлә уҙғарылған бал йәрминкәләрендә яҡынса 60 миллион һумға бал һатылған.  Был хаҡта Өфө хакимиәтендә үткән оператив кәңәшмәлә ҡала башлығы Павел Качкаев хәбәр итте.

Уның һүҙҙәре буйынса, ике көн эсендә ҡаланың Орджоникидзе һәм Совет районында ойошторолған йәрминкәләрҙә 900-ҙән ашыу бал һатыусы ҡатнашҡан. Балға хаҡ килоһына 300-400 һум самаһы булыуға ҡарамаҫтан, яҡынса 169 тонна бал һатылған – былтыр көҙ үткәрелгән беренсе йәрминкәләрҙәге күрһәткескә ҡарағанда был ике тапҡырҙан ашыуға күберәк. Сағыштырыу өсөн, былтыр Өфөлә ни бары 79 тонна бал һатылған.

темалар: йәрминкәләр