7 декабрь, Шаршамбы

14 сентябрь 2011 йыл, 15:14

Өфөлә меңгә яҡын сит ил гражданы белем ала

автор: Ольга Мортазина

Федераль миграция хеҙмәтенең республика буйынса идаралығы мәғлүмәте буйынса, сентябрь башынан алып Башҡортостанға 300-ҙән ашыу сит ил студенты килгән. Был Нефть, медицина университеттары һәм БашДУ-ның беренсе курс студенттары. Уҡыу алдынан улар барыһы ла Юғары уҡыу йортона тиклемге белем биреү үҙәгендә рус теле буйынса әҙерлек курстары үткән, тип хәбәр итте республика буйынса Федераль миграция хеҙмәте идаралығының матбуғат хеҙмәте хеҙмәткәре Ғәлиә Хабиәхмәтова.

Йәмғеһе Өфө вуздарында 1241 сит ил кешеһе белем ала, улар башлыса Ҡаҙағстан, Үзбәкстан, Төркмәнстан, Тажикстан, Әзербайжан, шулай уҡ Төркиә һәм АҠШ граждандары.