9 декабрь, Йома

12 сентябрь 2011 йыл, 12:40

Республика башлығы Йылайыр районындағы урман питомнигы эшмәкәрлеге менән танышты

автор: «Башинформ» | фото: Рәиф Баҙыҡов

Йылайыр районының Юлдыбай ауылында Рөстәм Хәмитов «Йылайыр урманы» дәүләт унитар предприятиеһының питомнигында булды. Юлдыбай питомнигы урман фонды территорияһында урынлашҡан. Бында 11,5 га майҙанда шыршы һәм ҡарағай үҫентеләре үҫтерелә. Улар урман массивтарын тергеҙеүҙә файҙаланыла.  

Рөстәм Хәмитовты урман янғындарына бәйле хәлдәр ҡыҙыҡһындырҙы. Предприятиела һөйләүҙәренсә, быйыл Йылайыр районында 143,9 га майҙанда 19 урман янғыны теркәлгән. Әйткәндәй, 2010 йылда 368 га майҙанда 79 янғын булған.