7 декабрь, Шаршамбы

12 сентябрь 2011 йыл, 10:09

Автоинспекторҙар Бөрө интернатына автоҡаласыҡ бүләк итте

автор: Ольга Мортазина | фото: ЮХХДИ

Бөрөнөң коррекцион мәктәп-интернаты Дәүләт автоинспекцияһынан икеләтә бүләк алды. Яңы уҡыу йылы алдынан мәктәптә оло ремонт үтте. Ә Беренсе сентябрҙән һуң автоҡаласыҡ асылды.

— Республиканың ЮХХДИ идаралығы Бөрө интернатына 2010 йылдың декабренән шефлыҡ итә, — тип хәбәр иттеләр ведомствоның матбуғат хеҙмәтенән. — Яңы уҡыу миҙгелендә тәрбиәләнеүселәрҙе һәм уҡытыусыларҙы сюрприз көтөүе хаҡында идаралыҡ етәксеһе Динар Ғилметдинов беренсе осрашыуҙа уҡ әйткәйне һәм һүҙендә торҙо.

Коррекцион мәктәптә бөтә республиканан йыйылған 200-ҙән ашыу бала уҡый һәм дауалана. Яңы майҙансыҡта уҡыусылар юл хәрәкәте ҡағиҙәләрен практикала үҙләштерә һәм юлдағы хәрәкәттә ҡатнашырға өйрәнә аласаҡ.