6 декабрь, Шишәмбе

06 сентябрь 2011 йыл, 13:03

Өфөләге янғындарҙа 38 кеше һәләк булған

автор: Евгений Рәхимҡолов

Янғындар йыл башынан алып Өфөлә 38 кешенең ғүмерен ҡыйған. 2010 йылдың ошо уҡ осоро менән сағыштырғанда утта һәләк булғандар иҫәбе ете кешегә кәмегән. Был хаҡта Өфө хакимиәтендә үткән оператив кәңәшмәлә ҡаа башлығы Павел Качкаев хәбәр итте. Өфөлә күҙәтелгән тенденция дөйөм алғанда бөтә республикаға хас – Башҡортостанда ла янғындарға бәйле үлемдәрҙең бер аҙға кәмеүе теркәлгән.  

Павел Качкаев билдәләүенсә, республиканың Дәүләт торлаҡ инспекцияһы менән ойошторолған тикшереү барышында йыл башынан алып Өфө биләмәһендә 5,9 мең ҡағиҙә боҙоу осрағы асыҡланған. Сағыштырыу өсөн, Башҡортостан буйынса был күрһәткес 28,5 мең самаһы тәшкил итә.