10 декабрь, Шәмбе

05 сентябрь 2011 йыл, 17:49

«Башҡортостан» студияһының өс фильмы Ҡаҙан халыҡ-ара мосолман киноһы фестивалендә ҡатнашыуға һайлап алынды

автор: Әлфиә Әһлиуллина

6 сентябрҙә асыласаҡ VII Ҡаҙан халыҡ-ара мосолман киноһы фестивалендә беҙҙең республиканан өс фильм тәҡдим ителәсәк. Был режиссер Рим Шәрәфетдиновтың «Һунарсы улы» тип аталған йәнһүрәте, режиссер Айнур Асҡаровтың ҡыҫҡа метражлы  «Еңмеш» фильмы («ПитерКит» студенттар фильмдары фестивале призеры, ул шулай уҡ Канн фестивалендә конкурстан тыш күрһәтелгән) һәм Булат Йосоповтың «Башҡортостан» киностудияһында төшөрөлгән «13-сө раунд» фильмы.

«Башинформ» агентлығына киностудияның матбуғат хеҙмәтенән хәбәр итеүҙәренсә, йыл һайын үткәрелеүсе мосолман киноһы фестивале «Мәҙәниәттәр диалогы аша аралашыу мәҙәниәтенә» девизы аҫтында Ҡаҙанда 6 -11 сентябрҙә үтәсәк. Фестиваль Рәсәй Хөкүмәте, Татарстан

Республикаһы Президенты, Рәсәйҙең һәм бөтә донъяның күренекле мәҙәниәт һәм сәнғәт эшмәкәрҙәре ярҙамында ойошторола.