10 декабрь, Шәмбе

05 сентябрь 2011 йыл, 17:34

Куйбышев магистраленең Башҡортостан бүлексәһендә граждандар оборонаһы айлығы старт алды

автор: Любовь Колоколова

Куйбышев тимер юлының Башҡортостан бүлексәһендә граждандар оборонаһы айлығы старт алды. 4 октябрҙә тамамланасаҡ айлыҡ дауамында тимер юл инфраструктураһы объекттарында урынлашҡан барлыҡ һаҡлау ҡоролмаларының, уҡыу кластарының һәм граждандар оборонаһы мөйөштәренең торошона комплекслы тикшереү үткәреү планлаштырыла. Төбәктең Өфө, Дим, Стәрлетамаҡ кеүек ҙур станцияларына айырым иғтибар биреләсәк.

Смотр-конкурс йомғаҡтары буйынса тимер юл объекттарындағы граждандар оборонаһы ҡоролмаларын тотоу һәм файҙаланыу буйынса иң яҡшы коллективтар билдәләнәсәк.

Куйбышев тимер юлының Башҡортостан бүлексәһе матбуғат секретары Рөстәм Ғөбәйҙуллиндың хәбәр итеүенсә, бындай сараларҙы даими үткәреү тимер юл объекттарының ғәҙәттән тыш хәлдәрҙә ойошҡан рәүештә, хәүефһеҙлек сараларын күҙәтеп эш итеүгә әҙерлеген күтәреү мөмкинлеген бирә.