10 декабрь, Шәмбе

05 сентябрь 2011 йыл, 12:37

Берҙәм рәсәйлеләр Ишембайға балалар ҡаласығы бүләк итте

автор: Марина Шумилова

Дәүләт Думаһы депутаты Иршат Фәхретдинов Ишембай районында «Берҙәм Рәсәй» көндәре дауамында урындағы властарға Ишембайҙа балалар ҡаласығы төҙөүгә 100 мең һумға сертификат тапшырҙы.

— Мин үҙем Ишембай районының Сайран ауылында тыуғанмын, һәм бәләкәй ватаныма ҡайтыуым минең өсөн һәр ваҡыт оло байрам. Көсөргәнешле эш графигы арҡаһында бында йыш була алмайым, — тине «Башинформ» агентлығына Иршат Фахретдинов. — Яҡташтарыма ҡунаҡҡа буш ҡул менән килмәнем, «Берҙәм Рәсәй» партияһы исеменән һәм шәхсән үҙемдән Ишембайға балалар ҡаласығы асыуға 100 меңгә сертификат тапшырам. Үҙәк мәҙәниәт һәм ял паркында урынлаштырыласаҡ балалар ҡаласығы яҡташтарымдың балаларына бик күп шатлыҡлы минуттар бүләк итер, тип уйлайым. Балаларға бүләк эшләү айырыуса ҡыуаныслы, сөнки балалар  — беҙҙең киләсәк, беҙҙең терәгебеҙ.

темалар: партиялар