4 декабрь, Йәкшәмбе

29 август 2011 йыл, 14:04

Өфөлә Рамаҙан айы менән хушлашыу сараһы үтәсәк

автор: Евгений Рәхимҡолов

Өфөлә Рамаҙан айы менән хушлашыу сараһы үтәсәк. Ул мосолмандар өсөн изге Рамаҙан айының һуңғы көнөндә «Родина» кинотеатрында үткәреләсәк. Ураҙа тамамланыуы айҡанлы был сараны Башҡортостан мосолмандары Диниә назаратының йәштәр бүлеге ойоштора.

Рамаҙан менән хушлашыу программаһында фәнни-популяр фильм ҡарау, Башҡортостан Республикаһы мөфтөйө Нурмөхәмәт Ниғмәтуллиндың сығышы, ғәрәп каллиграфияһы күргәҙмәһе, «Илляхияр» хор ансамбле ҡатнашлығындағы концерт, шулай уҡ ауыҙ асыу – ҡояш байығандан һуң башланасаҡ байрам банкеты планлаштырылған.

2010 йылда Рамаҙан айы менән хушлашыу ҙур уңыш менән үткәйне. Былтыр унда  Башҡортостан Республикаһы Президенты Хакимиәте вәкилдәре, дин әһелдәре һәм мәҙәниәт эшмәкәрҙәре ҡатнашты.

Рамаҙан менән хушлашыу сараһы 29 августа 19 сәғәттә башлана.

темалар: дин