7 декабрь, Шаршамбы

26 август 2011 йыл, 16:00

Республикала башҡорт телен былтырғы уҡыу йылында 100 меңгә яҡын уҡыусы өйрәнгән

автор: Галина Бахшиева

Башҡортостанда мәктәп уҡыусыларының 85 процентынан ашыуы рус телендә белем ала. Башҡорт телендә — 11 проценттан ашыу, татар телендә — 2,3%, мари телендә — 0,6%, сыуаш телендә — 0,2%, удмурт телендә — 0,1%.

Бынан тыш, алда һанап үтелгән барлыҡ телдәр ҙә, шулай уҡ мордва, украин, белорус, немец, латыш һәм поляк телдәре республикала предмет булараҡ өйрәнелә, тип хәбәр иттеләр Федераль дәүләт статистикаһы хеҙмәтенең БР буйынса территориаль органынан. Былтырғы уҡыу йылында башҡорт телен предмет булараҡ 94 меңдән ашыу уҡыусы өйрәнгән. Татар телен – 50 меңгә яҡын, мари телен – 5700, сыуаш телен – 5600 мәктәп уҡыусыһы өйрәнгән. Йәкшәмбе мәктәптәрендә әрмән һәм йәһүд телдәре лә өйрәнелә.