8 декабрь, Кесе йома

25 август 2011 йыл, 17:54

Баш ҡалала 27 водителдең наркоман булыуы асыҡланған

автор: Ольга Мортазина

Автотранспорт тармағының 27 хеҙмәткәрен водитель хоҡуғынан мәхрүм итеү өсөн Өфөнөң Орджоникидзе районы прокуратураһы судҡа ғаризалар ебәрҙе. Йыл һайын үткәрелгән юл хәрәкәте хәүефһеҙлеге тураһындағы закондар үтәлешен тикшереү барышында уларҙың «опий наркоманияһы» диагнозы менән наркологта иҫәптә тороуы асыҡланған. Наркотиктар, алкоголь, токсикомания ағыуына бирешкән кешеләр транспорт менән идара итергә тейеш түгел, улар дауаланыу үтеп, иҫәптән төшкәс кенә руль артына ултыра ала. Әлегә иһә үрҙә билдәләнгән кешеләр водитель танытмалары менән хушлашасаҡ, тип хәбәр иттеләр республика прокуратураһында.